मेरो परिवार मेरो कथा भिडियो

आठ सय तलब खाने हिमाल परिश्रमकै बलमा १५ रेष्टुरेन्टका मालिक बने (भिडियोसहित)

आठ सय तलब खाने हिमाल परिश्रमकै बलमा १५ रेष्टुरेन्टका मालिक बने (भिडियोसहित)

असार २१ । काठमाडौंको योङ हर्ट रेष्टुरेन्टमा हिमाल श्रेष्ठ वेटर थिए । मासिक ८ सय तलब बुझ्थे । नौ वर्ष काम गरेपछि उनको तलब बढेर १५ सय पुग्यो । जीवनको भोगाई बुझ्न उनको तलबको यो ग्राफ पर्याप्त छ ।

नौ वर्ष काम गरेर पनि हालत फरक नभएपछि उनले तीनकुनेमा आफैले काम गरेको रेष्टुरेन्ट छेउमा ए वान क्याफे खोले । पाँच जना साझेदार मिलेर झन्डै ३० लाख लगानी गरे । ए वान । योङ हर्टमा तलब कम भए पनि ग्राहकले हिमाललाई माया गर्थे । टिप्स दिन्थे । आफ्नो भागमा परेको ६ लाख उनले जुटाए ।

तीनकुनेको ए वान खुब चल्यो । दोस्रो रेष्टुरेन्ट धुम्बराहीमा खोले । मध्ये बानेश्वमा पनि खुल्यो । त्यसपछि उनको चेन बढ्दै गयो । अहिले १५ रेष्टुरेन्ट चलिरहेका छन् ।

रेष्टुरेन्ट चलाउन अरु भन्दा बढी गाह्रो रहेको हिमालको अनुभव छ । मूल समस्या भनेको घरबेटी नै हुन् । अरु व्यवसायलाई ५० हजार भाडा हुँदा रेष्टुरेन्टका लागि एक लाख भाडा मागिन्छ । धेरै लगानी गरेपछि घर छाड भन्नेहरु पनि हुन्छन् ।

त्यतिमात्रै होइन रेष्टुरेन्ट व्यवसायमा दुःख दिनेहरु प्रहरी पनि हुन् । कुन्डले, मुन्द्रे, गुन्डाहरुबाट पनि व्यवसाय चलाउन गाह्रो छ । कर भ्याट, अनुगमन आदिबाट सहज नभएको उनको अनुभव छ ।

अनुगमनका नाममा पनि दुःख दिने मात्रै नियत रहेको उनको बुझाइ छ । हिमाल भन्छन्, ‘हामीले तरकारी ल्याउने ठाउँमै फोहोर हुन्छ । त्यहा अनुगमन हुँदैन । टुकुचाको पानीले साग पखालिन्छ, त्यहाँ पनि अनुगमन हुँदैन । बधशालामा अनुगमन गरिँदैन । अनि हाम्रो रेष्टुरेन्ट मात्रै फोहोर छ भन्ने गरिन्छ । सबैतिर समान व्यवहार होस ।’

प्रहरीले दिने दुःखबारे खुलस्त पार्दै हिमालले भने, ‘बेलुका ९ बजेसम्म रेष्टुरेन्ट खुला हुन्छ । कुनै कुनै ग्राहक नौ बज्नै लाग्दा प्रवेश गर्छन् । नआउनुस भन्न मिल्दैन । १५ मिनेटमा सबै खाएर बाहिर जानुस भन्न मिल्दैन । १० बजेसम्म ग्राहक बस्छन् । अनि प्रहरीले नियम थाहा छैन ? किन १० बजेसम्म भन्न थाल्छन् ।’

फास्टफुट एसोसिएसन नेपालका महासचिवसमेत रहेका हिमालले व्यवसायका समस्या बुझिदिन प्रहरी प्रशासनमा आग्रह पनि गरेका छन् ।

श्रेष्ठसँगको कुराकानीको पूर्णअंश यो लिंकमा उपलब्ध छ ।