देश

राजविराजलाई उपमहानगरपालिका बनाउन माग

शनिबार, ०६ जेठ २०७४ गते मा प्रकाशित

saptari-district-jilla

काठमाडौँः राजविराज नगरपालिकालाई उपमहानगरपालिका बनाउन माग गरिएको छ। पूर्वसिँचाइमन्त्री एवम् नेकपा (माओवादी केन्द्र)का नेता उमेश यादव, जिल्लामा क्रियाशील विभिन्न सङ्घसंस्था तथा सामाजिक अभियानकर्मीले संयुक्त रुपमा सो माग गरेका हुन्।

नेपालमै पहिलो पटक व्यवस्थित बस्ती निर्माण एवम् सहरीकरण गर्ने लक्ष्यका साथ बसाइएको उक्त नगरपालिका पूर्वाधारको हिसाबले सक्षम रहेकाले त्यसलाई उपमहानगरपालिका बनाउनु जायज रहेको संयुक्त रुपमा जारी गरिएको विज्ञप्तिमा उल्लेख छ।

राजविराज नगरपालिकालाई उपमहानगरपालिका बनाउने विषयमा प्रधानमन्त्री पुष्पकमल दाहाल ‘प्रचण्ड’लाई समेत ध्यानाकर्षण गराइसकेको भन्दै उनीहरुले प्रधानमन्त्रीसमेत सकारात्मक रहेको उल्लेख गरिएको छ। माओवादी केन्द्रको संसदीय दलले समेत राजविराजलाई उपमहानगरपालिका बनाउनुपर्ने निर्णय गरिसकेको छ। सो कार्यमा सहयोग गर्न सम्पूर्ण राजनीतिक दललाई आग्रह गरिएको विज्ञप्तिमा उल्लेख छ।