भिडियो

स्ट्रेट फरवार्ड

‘ओली–देउवा सबैका नेता प्रचण्ड, मलाई पनि उनैसँग पोइला जाऊँ जाऊँ लाग्छ’ चर्चित सैनिक जनरलको सनसनीपूर्ण अभिव्यक्ति

आइतबार, १६ पुष २०७४ गते प्रकाशित
- नेपाल आज (TK)

‘ओली–देउवा सबैका नेता प्रचण्ड, मलाई पनि उनैसँग पोइला जाऊँ जाऊँ लाग्छ’  चर्चित सैनिक जनरलको सनसनीपूर्ण अभिव्यक्ति

आज जे जति परिवर्तन भएका छन्, ती सबै प्रचण्डका एजेण्डा हुन् । धर्मनिरपेक्षता, संघीयता, गणतन्त्र, समाबेशी समानुपातिक आदि उनकै मुद्धा हुन् । काँग्रेस, एमाले, राप्रपालाई घिसारेर लगेका हुन् । त्यसैले यी सबै दलका नेता प्रचण्ड हुन् । काँग्रेसले विपी, गणेशमानको फोटो झिकेर प्रचण्डको फोटो राखे हुन्छ । राप्रपाले राजाको फोटो फालेर उनैको फोटो हाले हुन्छ । एमालले प्रचण्डको ठूलो फोटो राखेर मदनको सानो फोटो उनको मुनी राख्दा हुन्छ ।

 

चर्चित सैनिक जनरल प्रेमसिंह बस्न्यात प्रचण्डको प्रसंशामा खर्चिएका शब्द हुन् । एक पटकको जनरल सधैँको जनरलको अर्थमा यो अभिव्यक्तिलाई लिने हो भने बस्न्यातको अभिव्यक्तिलाई नेपाली सेनाको मुडमा हेर्न सकिन्छ । नेपाली सेनाको जन्म भएसँगै बस्न्यात परिवार सेनामा थियो । प्रेमसिंह सो परिवारबाट सेनामा सहभागी हुने १२ औँ पुस्ते हुन् । बस्न्यातको अभिव्यक्तिलाई अर्थपूर्ण ठानिएको छ ।

 

प्रेमसिंहले प्रचण्डलाई प्रधानमन्त्री शेरबहादुर देउवा, एमाले अध्यक्ष केपी ओलीको पनि नेता अर्थात सर्बश्रेष्ठ नेताका रुपमा अर्थाउछन् । भलै, उनी आफूलाई प्रचण्डको प्रशंसक र आलोचकका रुपमा अर्थाउछन् ।

चण्ड राजनीतिक मुद्धामा सफल भएपनि उनको व्यक्तित्व पण्डुलम रहेको र आर्थिक हिसावले अपारदर्शी रहेको बस्न्यातको टिप्पणी छ । माओवादी जनयुद्ध सफल भएपनि शान्ति प्रक्रियामा आएपछि माओवादी च्याँस्नीमा डुबेको झिँगाजस्तो भएको बस्न्यातको बिश्लेषण छ ।

 

प्रचण्डलाई आफूले आर्यघाट पुग्दासम्म बिर्सन नसक्ने भन्दै बस्न्यात भाबुक भए । हाइटीको शान्ति मिसनमा जाँदा बिरामी पर्दा आफूलाई सेनापति, फिल्ड कमाण्डरले वास्ता नगरेपनि प्रचण्डले फोन गरेर सोधपुछ गरेको सन्दर्भमा उनी भाबुक बने । व्यक्तिगतरुपमा प्रचण्डको व्यवहार पोइला जाउँ जाउँ लाग्ने खालको बस्न्यातको ठम्याइ छ । व्यक्तिगत स्वभाव र राजनीतिक हिसावले प्रचण्ड सफल भएपनि भ्रष्टाचार र पारदर्शीका सवालमा प्रचण्ड चुकेको बस्न्यातको भनाइ छ ।बाम गठबन्धन दीगो होस्

पूर्वजनरल बस्न्यात आफूलाई राजसंस्थाको वफादार सिपाहीका रुपमा चिनाउँछन् । तर, देशमा स्थायीत्व र समृद्धिका लागि बाम गठबन्धन टिक्नुपर्ने उनको भनाइ छ । प्रचण्ड र केपी ओलीको सम्बन्ध व्यक्तिगत कुरा नभएको भन्दै उनले यो गठबन्धन टिकाउ गराउन प्रचण्ड चनाखो हुनुपर्ने बताए ।

 

भ्रष्टाचारीलाई फासी

एक करोडभन्दा बढी भ्रष्टाचार गर्नेलाई फासीको सजाय हुनैपर्नेमा बस्न्यातले जोड दिए । भ्रष्टाचार गर्ने तर सेटिङ मिलाएर न्यायलयबाट उन्मुक्ति पाउने प्रवृत्ति हावी भएको भन्दै उनले फासीको व्यवश्था अनिवार्य रहेको जनाए । कर्मचारीतन्त्र भ्रष्टाचारीतन्त्र रहेको उनको भनाइ छ । कर्मचारीतन्त्रको पुर्नसंरचना नगरेसम्म देश बन्नैनसक्ने उनले ठोकुवा गरे ।

 

पूर्वमुख्यसचिव सोमलाल सुबेदीलाई पश्चिमाको एजेण्टको उपमा दिए . कर्मचारीतन्त्रमा तलदेखि माथिसम्मै एजेण्ट रहेको बस्न्यातको भनाइ छ । विजयकुमार गच्छेदारजस्ता उनकै शब्दमा खाओवादी नेताहरुको नाकमा युवा नेताहरुले औँला ठड्याउन ढिलाइ भइसकेको भन्दै बस्न्यातले रोष प्रकट गरे ।

 

सीमानामा पर्खाल

पूर्बजनरल बस्न्यातले नेपाल भारत सीमामा पर्खाल लगाउनैपर्ने जनाए । पर्खाल नलगाएसम्म देशमा अमनचयन र शान्तिसुरक्षा कायम नहुने उनको तर्क छ । राजा महेन्द्र केही बर्ष बाँचेको भए पर्खाल लगाइन्थ्यो भन्दै बस्न्यातले सो काम सम्पन्न गर्ने जिम्मेवारी बाम सरकारको काँधमा आएको जनाए ।