राजनीति

समाचार

यसरी बनाइयो कोइराला परिवार सत्ताबाट बाहिर

शुक्रबार, १० भदौ २०७३ गते प्रकाशित
- नेपाल आज (TK)

यसरी बनाइयो कोइराला परिवार सत्ताबाट बाहिर

 

नेपाली काँग्रेस सत्तामा सहभागी हुंदा पछिल्लो समय सधैं सरकारमा रहंदै आएको कोइराला परिवार यस पटक बाहिरै रहने भएको छ । २०५७ सालदेखि काँग्रेस सरकारमा हुंदा कोइराला परिवारको प्रतिनिधित्व छुटेको थिएन । कोइराला परिवार र कोइरालाका आफन्तसमेत सहभागी नभएको तर काँग्रेस सहभागी भएको यो पहिलो सरकार हो । कोइराला परिवार निकटका महेश आचार्य, शैलजा आचार्यलगायतले यदाकदा कोइराला परिवारको बिंडो थाम्ने गर्दथे ।

कोइराला परिवारको सरकारमा जबरजस्त सहभागिता हुने गर्दथ्यो । माधवकुमार नेपाल प्रधानमन्त्री हुंदा तत्कालिन सभापति गिरिजाप्रसाद कोइरालाकी पुत्री सुजता उपप्रधान तथा परराष्ट्रमन्त्रीसहित सरकारमा सहभागी भएकी थिइन् । राजनीतिकरुपमा कनिष्ठ हुंदाहुंदैपनि गिरिजापुत्री भएकै कारण उनले सो लाभ लिएकी थिइन् ।

यसपटक शेखर कोइराला परराष्ट्रमन्त्रीमा जाने बताइएको थियो । महामन्त्री सशांक थला परेको हुंदा शेखर निर्विकल्पजस्तै बनेका थिए । उनी परराष्ट्रमन्त्री पाएमा सरकारमा जाने सोचमा थिए । देउवाले परराष्ट्रमन्त्री आफ्नै टिमका प्रकाशशरण महतलाई बनाउने ईच्छा देखाएपछि कोइराला पछि हटेका थिए ।

यसअघि नै उपप्रधानमन्त्रीको ओहोदामा रहिसकेकी सुजता बरियताका कारणपनि जान अफ्ठयारो थियो । त्यसमाथि सुजताले केपी ओली नेतृत्वकै सरकारको निरन्तरताका पक्षमा अभिव्यक्ति दिएकी थिइन् । कोइराला परिवार र नातेदारबाट मन्त्री नबन्नुलाई अर्थपूर्णरुपमा लिइएको छ ।