देश

पुननिर्माण अनुदान रकममा भारत भन्दा चिन अगाडी

सोमबार, ०३ साउन २०७३ गते मा प्रकाशित

kp-oli-prahanda-and-Dauba

  bhukampa भूकम्पपछिको पुननिर्माण नेपाललाई आर्थिक सहयोगको घोषणा गरेका दातामध्ये हालसम्म सबैभन्दा बढी चीनले ५० अर्ब रुपैयाँ अनुदान सम्झौता गरेको छ । राष्ट्रिय पुनर्निर्माण प्राधिकरणसँग सम्झौता गरेका दातामध्ये विश्व बैंकले ३० अर्ब रुपैयाँ उपलब्ध गराइसकेको छ । भारतसँग २५ अर्ब रुपैयाँको अनुदान सहयोग सम्झौता भइसकेको र ७५ अर्ब रुपैयाँ बराबरको सहुलियत ऋण उपलब्ध गराउने सम्झौता अन्तिम चरणमा पुगेको प्राधिकरणले जनाएको छ । नेपालमा बिनाशकारी भूकम्पलगत्तै राहत र उद्धारमा चीनभन्दा अगाडि देखिन चाहेको भारत अनुदानमा भने चीनभन्दा पछाडि छ । त्यस्तै जापानसँग २६ अर्ब रुपैया ऋण तथा अनुदान सम्झौता सम्पन्न भइसकेको छ । पुनर्निर्माणको काम सुरु भएसगँै दाताहरुले सम्झौता गरिरहेका छन् । दाताले सम्झौता बमोजिम काम नगरेको भन्ने कुरा बाहिर आए पनि त्यो निराधार भएको जानकारी प्राधिकरणका कर्मचारीले दिएका छन् । गत वर्ष भएको दाताहरुको अन्तराष्ट्रिय सम्मेलनमा करीब ६ खर्ब बराबर अनुदान सहयोग गर्ने घोषणा भएको थियो । पुननिर्माण प्राधिकरण गठन भएर काम अघि बढेपछि दाताहरुले कबोल गरे अनुरुप उनीहरुसँग अनुदान तथा ऋण सम्झौताको क्रम अघि बढेको हो । युरोपेली युनियनसँग हालसम्म १२ अर्बको सम्झौता भइसकेको र बेलायतसँग करीब ८ अर्बको अनुदान सम्झौता सम्पन्न हुने प्रक्रियामा रहेको प्राधिकरण स्रोतले जनाएको छ ।