अर्थ

बैंकिङ

समाचार

सरकारद्धारा ३४ करोड बराबरको बचतपत्र निष्काशन

आइतबार, २३ जेठ २०७३ गते मा प्रकाशित

nepal-rastra-bank

वैदेशिक रोजगारीमा रहेका नेपालीहरुलाई लक्षित गर्दै सरकारले आइतबारदेखि झन्डै ३४ करोड रुपैयां बराबरको बचतपत्र निष्काशन गरेको छ । वार्षिक ९ प्रतिशतका दरले ब्याज दिनेगरी राष्ट्र बैंकले ३३ करोड ७९ लाख १५ हजार रुपैयां बराबरको बचतपत्र आइतबारदेखि निष्कासन गरेको हो ।

राष्ट्र बैंकका अनुसार यो बचतपत्र विदेशमा रोजगारीमा रहेका व्यक्तिको बुबा, आमा, श्रीमान, श्रीमती, छोरा, छोरीले असार २४ गतेसम्म किन्न पाउनेछन् । मुलुक बाहिरको रोजगारीबाट फर्केको चार महिना नपुगेका नेपाली नागरिक वा गैरआवासीय नेपालीले किन्न पाउने राष्ट्र बैंकले जनाएको छ । यो बचतपत्र गरिएको लगानीको सावां २०७८ मा फिर्ता हुने राष्ट्र बैंकले जनाएको छ । तर, व्याज भने हरेक ६ महिनामा भुक्तानी गरिनेछ । बचतपत्र खरिदकर्ताले आफुले चाहेको समयमा यो बचतपत्र बिक्री गर्न सक्ने राष्ट्र बैंकले जनाएको छ ।