प्रवास

समाचार

रोजगारीका लागि विदेश पठाइदिने भन्दै ठागी गर्ने पक्राउ

शुक्रबार, १४ जेठ २०७३ गते प्रकाशित
- नेपाल आज(SS)

रोजगारीका लागि विदेश पठाइदिने भन्दै ठागी गर्ने पक्राउ

जेठ, १४, रोजगारीका लागि विभिन्न मुलुकमा पठाइदिन भन्दै झण्डै करोड ठगी गरेर फरार रहेका एक कन्सल्टेन्सी सञ्चालकलाई प्रहरीले पक्राउ गरेको छ । jail युरो एण्ड सी लिंक कन्सल्टेन्सी र फ्लाई युरो कन्सल्टेन्सीका सञ्चालक मध्येका एक मकवानपुर नामाटारका २३ वर्षीय रञ्जीत कंडेललाई प्रहरीले पक्राउ गरेको हो । उनले विभिन्न देश पठाइदिन्छु भन्दै १३ जनासँगबाट करिब ८० लाख लिएर सम्पर्क विहिन भएका थिए । कंडेलले जर्मनी पठाइदिन्छु भन्दै रसुवाका खेसम तामाङसहित तामाङसहित २ जनालाई, दक्षिण अफ्रिका पठाइदिन्छु भन्दै रसुवाकै संगीता तामाङसहित २ जना, कञ्चनपुरका लक्ष्मीप्रसाद बरालसहित ७ जनालाई मौरिसस पठाउने तथा काभ्रेका सुमन सापकोटासहित २ जनालाई न्यूजिल्याण्ड पठाउने भन्दै १३ जनाबाट करिब ८० लाख लिएको उजुरी परेको छ । पीडितको उजुरीका आधारमा प्रहरीको अपराध महाशाखाको टोलीले आरोपी कंडेललाई पक्राउ गरी महानगरीय प्रहरी परिसर पठाएको छ । कंडेलका गिरोहका अन्य सदस्यको खोजी भइरहेको प्रहरीले जानकारी दिएको छ ।